SAIDA MAK O HALO BA SIRA, O HALO BA HAU (Refleksaun Loron 11 Maret 2019)

Wainhira ita rona evengelho loron nee, Jesus koalia kona ba loron ikus. Jesus fo hanoin ba apostolo sira no ba sira neebe rona nia atu prepara-an atu bele hasoru loron ikus. Loron ikus mak loron iha neebe Nai Maromak sei mai hanesan juiz atu halo justice ba ema hotu. Tamba saida mak Jesus tengki koalia kona ba loron ikus?

Jesus esplika kona ba loron ikus ba apostolo sira liu hosi aiknanoik oinsa ema ida halo karidade. Depois nia hatoo aiknanoik ida nee, Jesus mos dehan ba sira katak “saida mak o halo ba sira, o halo ba Hau”. Jesus fo hanoin ba sira katak iha loron ikus, Nai Maromak sei hare saida mak ita halo ba ita nia maluk sira seluk.

Iha tempo kuaresma nee, Jesus haruka ita atu halo karidade, orasaun no hadera-an. Buat tolu sira nebe ita halo nee hanesan dalan preparasaun atu simu graca salvasaun iha tempo paskua. Evanglho loron nee, fo hanoin mai katak caridade mak dalan ida atu bele hetan graca salvasaun nian.

Oinsa ita nia moris durante nee? Saida mak ita halo wainhira ita hasoru neebe hamlaha no hamrok? Saida mak ita halo wainhira ita hasoru sira nebe moris iha terus nia laran? Iha loron nee Jesus fo hanoin ita atu bele tau matan ba sira nebe presija ita nia tulun. Liu-liu iha tempo kuaresma nee, mai ba ita amenta tan ita nia karidade iha ita nia moris. Tamba saida ita halo ba sira, ita halo Nia neebe Moris nia hun. Amin.